Siepelstad Volleybal Vrouwleu vs de Bol‘n

Ne soort van proclamatie owwer de prestaties van ’t eerste Siepelstad Vrouwleu Volleybal Team  (verder SVVT) van gister’n tegen de Bol’n oet Houten. Umdat het feest der zotten in dit wiekend in alle heftigheid en hevigheid isse lossebarst ‘n, noe eens een kèr wèr in ne annere taal dan ABN, loawt mè ING num ‘n, deze keer. Interlectueel Nederlands Gezwam.

Eerst moj nog wa veuraf weet’n dat de Siepel Vrouwleu op ’t ogenblik met doot um de tweede plek in de hoogste laandelijke divisie. Zè bunt dus nich zo’n recreaanten – hobby team dat oet leefhebberij en um d’r een middagje / oavondje oet te ween an volleyball ’n döt. Bie sullie geet ‘t um de basters, elke wek wèr, ok met carnaval. En hunnie gasten, dè zig met Taurus nen heel’n deftigen naam veur ne bol hebt anmeten, trouwens wal nen gek naam veur ’n stel van dè hartstikke leuke vrouwleu, vecht nog veur nen plek in de poule der kampioenen, woar de Siepel vrouwleu al lang en breed inzit.

Ok moj weet ’n dat het Siepelteam al ‘n betje carnaval hef viert. Umdat hunnie dree keer van Zwolle hebt won’n  en ze zich plaatst hebt bie de laatste veer veur ’n beker.  “Wie wilt nich op oonszelf pochen, en wie wilt oonszelfs ok nich op de böste sloan,  maar wie waar’n volle better as dè club oet Zwol. Dat mag gerust ok eens kèr zegt wod ‘n. Al is dat deur oonszelf. Oezölf priezn is dan wa ongepast, mer schaadn döt ’t meesttieds nich”

Nègen keer bint ze in éne wekke tied bie 0-0 begun’n en nègen keer waren ze ‘t eerste bie de füfentwintig. Ja, en dan hej’t bie volleybal won’n, ai tenminst twee verschil hebt en dat hadd’n ze wa! In Almère speult ze  owwer’n  paar wèk tèg ’n de Roze Vogols, dè kumt oet ‘t  Süden anvlogg’n in hun carnavalsplunje.       

SVVT geet dus noar Almere hen, misschien wal ‘n  heel weekend, wèl weet. Dan met ne owernachting d’r bie, bie van de Valk of zo! Um avvast te wen’n an de oetwedstrieden bie de Europacup volgend joar. Dan mut ze misskien wa noa Moskou hen of nog wieder vot noa Omsk of Novosinogwat en dan kuj ok nich twee uur veur de wedstried ankomm ’n driet’n.     

Zijne zijlijn hoogheid, Bra Himab Chier, van wel wot fluistert dat hè ‘t wereldrecord* time-out hef,  had bedacht dat hè met de wichter van Olle Luttikhoes,  Kamphoes, Hollinkhoes en Hesselinkhoes wol loat’n  begin ‘n. Mà dèn laatst trok trainingsplunje nich oet en den enen van Kamphoes bleef ok an de kaant. De wichter van Koebrugge en Kremer deden met. Dèn laatsten had carnaval al ’n betje in ’n kop zit’n , want ze had aander shirt an dan de rest. Opvallend bij de Bol ’n oet Houten leep ok een wicht met ’n verkeerd shirt an. Nee, ze had nich verkeerd um an!

Wereldrecord*: Nich umdat hè de langste ‘dode tied’ of het vaakst ne ‘dode tied’ hef nom’n, mar de snelste. Noa ’n ace van de tegenpartij in de eerste set bij 0-1 setstand, wot zegt. Sneller kan ok bienoa nich. Weet ie wat ok wot zegt? Dat dè tweeling van Olle Luttikhuis soms stiekum van shirtnummer verwisseld. Ilse spölt dan met nummer 2 en Kirsten met nummer 8. Hef geneen in de gaat’n. In ieder geval dè keerls in’t wit nig en de tegenpartij ok nig.     

Het begun toen dèn ene vent dè op nen verhoging bie één van de twee poal ’n stun heel hard op de fluit bleus. Sommige leu dacht’n dat het betekende daj met ‘d’er steet ne peerd in de gang’ mosten beginnen te zing’n, maar dat was dus nich zo. He floot precies op tied, krèk um zes uur! Hè keek op zien Prisma en had het aftell ‘n van de trapfans nicht neudig om op goede moment uit alle macht te bloaz ‘n. En dat deed hè prima, en dat deed hè. Mooi lang, mooi hard en mooi van toonheugte.

En wat dach ie dat SVVT hènig an begön, niks heur, meteen d’r vol op. Want ai te late bint opstoan, möt n heeln dag op ‘n draf goan. Dat hadd’n ze zich wa good in de oor’n kneupt. Het ging mie d’r of man, in ’t heukske van de zaal stonden stel Taurus wichter ‘Taurus, Taurus’ te roop’n en onder de trap begön ze a bie 7-3 van ‘Heya , Heya’ te sing’n. ‘t Leek wa carnaval!. In de eerste set was ‘t  allemoal Olle Luttikhoes wat de klokke sleug. Totaal noamen ze met zien dree’n 15 punten veur hun rekkening,  van Taurus kreeg ‘t Siepelteam d’r ok nog zes dus bleef’n d’r nog ma veer veur de andere Siepelvrouwleu owwer. Is dat wa eerlijk?

Bie Taurus kon nummer nègn en nummer twaalf d’r aardig wat van. Ze waren nich so good as dè oet Ootmöske, mar dat is ok wa logisch. Kirsten of Ilse, wel zal ’t zegg’n, maakten noa 20-13 met twee rake harde klappen vanachter de achterlien 22-13. Bij de Bol’n keken ze mekaar an alsof ze het verstaand in ’n tuk had zit’n? Hun coach commandeerde hen ok meteen noar de zielien. “Ai so deur goat vröst oons op ’n emmer!” zal hè wa zegt hem’n. En dat deut ok, SVVT wön de set met 25-16. Helemoal verdiend. Het was ‘t ankieken wa weerd.

Jiska van Kamphoes begön met ’n ace in de tweede set. Ze dacht waarschienlijk, loak d’r ma snel een maak’n veurdat dè van Luttikhoes wèr alle punten d’r in sloat. Good doan wicht, a’j dr bunt, mojje d ‘r ok wean. Dèn Manon Zeeboer van de Bol’n, nummer neg’n, ging in ’t begin van deze set ok scorend veur gek en oonwies an. Bie 4-5 had ze d’r al veer maakt, de vrouwleu oet Ootmöske begeunnen bie 7-6 wèr warm te dreien. Vanaf linksveur sloegen ze de een noa de anner ‘n bal d’r in. Natürlijk waren Ilse en Kirsten (of andersum) steeds van de partie als het um punten maak’n ging.

Noa 11-6 verleg’n ze de aanval noa de dreemeter lijn. Ok vanaf doar was’t vaak raak. En Loes Hollinkhoes ging zich d’r ok nog met bemuien. Zo oet de blote kop bie 13-7 en 15 en 16-8. Toen kreeg ze eindelijk ‘ns kèr de bal’n, as ze ‘hier’ riep. Alle 53 andere keer’ n was ’t meer ne afleidingsmanoeuvre. Noa 21-15, toen de Bol’n de bal boet’n de wei sloegen, kwam nummer twee van de Siepelvrouwleu aan de serve. Met veer aces achter mekaar deden de anderen effen nich mèr met. Het leek wa of ze bie de Bol’n de knol’n op had ’n. Bie 25-15 had ’n de gasten alle proem ’n in ’n drek lig ’n.

En dan was’t nog nich aflopen. Neen,  d’r werd nog keer wèr opnieuw begön ‘n.  He’j `t  d‘r allemoal noar? Zo blies de man in ’t wit op de fluit. Nou, bie de Siepelvrouwleu wa, meteen noar 5-1. Carmen van Olle luttikhoes mog nich mèr met doan, Antoinette van Posthuma nam’t owwer. En um dat effen te loaten seen, maakte ze met een ’t eerste peunt. Ma de vrouwleu oet Houten gaven het nich op, ze bleef’n maar aanval ’n en noe was het hun nummer acht, Catja Weijzen, wel heel vaak de vloer trof. Bie 13-13 was’t geliek, eerder bie 9-7 had Bra Himab Chier al nen dode tied vrogt en kreg’n.

Dat wicht van Koebrugge en Ilse (of Kirsten) hielden de haand d’r veur toen de Bol’n noa 13-13 raak wol’n sloan en dat was dus toen twee keer raak voor de Siepelploeg. “Doar wot in ’t blok geramm ‘t, hard geramm ‘t, zacht geramm ‘t ”  zong het trapkoor.

Noa alwèr ace van Kirsten was ’t 16-13,  noa ‘n potje pingpong volley was’t  17-15, bie 17-16 begön’n d’r op de tribune al ’n paar op de nagels te biet’n. Dat was ma goad ok, het werd 20-16 en effen wat later 24-18. Dat wicht van Posthuma, dat eerste peunt had maakt, sloeg ok het laatste d’r in. Toen was’t 25-19 en 3-0 en was ’t afloop ‘n.

gh @ Vizier op Volleybal. Archieffoto Tonny Olde Hengel.

PS: Er is geen ING spellingscontrole toegepast.

Setscores set 1: Aanval 12/9, blok 3/1, aces 4/2 en foutenlast 4/6

Setscores set 2: Aanval 15/13, blok 2/1, aces 5/0 en foutenlast 1/3

Setscores set 3: Aanval 15/14, blok 4/1, aces 3/2 en foutenlast 2/3